TUJHY TEHREER KARTY HEN, TUJHY TASVEER KARTY HEN.

Tujhay Tehreer Karty Hain Tujhay Tasveer Kartay Hain,
Hum Apnay Aap Ki Itni Kahan Tash-Heer Kartay Hain,

In Hi Zulfoun Ko Hum Kali Ghata Ka Naam Detay Hain,
In Hi Zulfon Main Khud Ko Hum Kabhi Zanjeer Kartay Hain,

Humari Wo Ghazal Har Bazm Main Mash-Hoor Hoti Hai,
Tumhara Naam Jis Main Shamil-E-Tehreer Kartay Hain,

Koi Deewar Nafrat Ki Nazar Aaye Giratay Hain,
Gharonday Chahaton K Har Jagah Tameer Kartay Hain,

Khuda Ki Rehmaton Se Behrawar Honay Ki Khwahish Main,
Kabhi Hum Tauba Kartay Kabhi Taqseer Kartay Hain,

Milain Hum To Bicharrnay Ki Khalish Jaag Uthti Hai,
Bicharr Kar Phir Se Milnay Ki Sada Tadbeer Kartay Hain,

Koi Bhi Ghum Milay Hum Apnay Seenay Se Lagatay Hain,
Khushi Lekin Tumharay Naam Se Taabeer Kartay Hain,

Pazeerayi Kabhi Kartay Nahin Hum Ehal-E-Nafrat Ki,
Magar Ehal-E-Muhabbat Ki Barri Tauqeer Kartay Hain.